Guddiga Doorashada Guddoonka Aqalka Sare ee BFS wuxuu maanta shaaciyay
Jadwalka Doorashada Guddoonka Aqalka Sare oo noqon doona sida hoos ku xusan
waxaan rajeeyneenaa in sida ugu dhaqsiyaha badan lagu soo dhameeyo
doorashooyinka si dalka loo samata bixiyo iyo umada
Haddaan nahay shacabka Soomaaliyeed waxaan rabnaa xasillooni, sidaas
darteed waxaan ka codsaneynaa in doorashada la soo gebagebeeyo ka hor inta aan
ciidda la gaarin, taasina ay dalka ka dejiso si uu dalka uga boxo jahwareerka
uu sababay farmaajo
Shacabka Soomaaliyeed ayaa u kacaya kuna adkeysanaya in la soo gaba gabeeyo
doorashada Guddoomiyaha Baarlamaanka ka hor inta aan la gaarin Ciida, isla
markaana ay lagama maarmaan tahay in maanta la qabto kulanka ugu horreeya ee
wadajirka ah ee labada gole ee Baarlamaanka.
Si looga hortago isku day kasta oo uu Farmaajo ku doonayo inuu ku sii haayo
talada dalka, waa in la dhameystiraa doorashada guddoonka baarlamaanka ka hor
Ciidul Fitriga.
Dhanka kale waxaa magaalada Muqdisho ka furmaya kalfadhiga 11-aad ee
baarlamaanka Soomaaliya. Ajandaha ayaa diiradda saari doona isla arrinta.
Haddii Farmaajo uu weli wax u dhimi karo doorashada Guddoomiyaha
Baarlamaanka, la yaab ma ahan in marqaati loo noqdo in loo doorto markiisa
labaad
0 Comments