Ilo ku dhow dhow
xubnaha Ergada waan-waanta ka dhex wada Ra’iisul Wasaaraha iyo Murashaxiinta Mucaaradka
ayaa AC WARARKA u sheegay in dhinacyada ay ku heshiiyeen inay
maanta kulan qado ah ku yeeshaan Hotelka Decale, kulankaas oo ay ka
qeyb-galayaan Midowga Musharaxiinta, Ra’iisul Wasaaraha, iyo Madaxweynayaasha
Galmudug iyo HirShabelle.
Xogta aan helnay
ayaa sheegeysa in is-afgaradka uu yimid kadib markii Rooble uu aqbalay laba ka
mid ah ah saddex qodob oo ay soo gudbiyeen musharaxiinta. Qodobadan ay
musharaxiintu ku xireen la kulanka madaxdaas ayaa kala ahaa
1- In la cambaareeyo, raalli gelin laga
bixiyo wixii dhacay 19 Febraayo. 2- In bannaan baxa la ogolaado. 3- In shirarka wadatashiga qaran laga qeyb geliyo
Murashaxiinta
Ra’iisul Wasaaraha
ayaa aqbalay labada qodob ee hore, balse qodobka saddexaad ee ka qeyb-galka
shirarla ayuu sheegay inuu yahay mid ku xiran madaxweynaha, oo gacantiisa ka
baxsan.
Arrintan ayaa
imaneysa in ayada oo Golaha Midowga musharaxiinta Soomaaliya oo maanta shir
jaraa’id ku qabtay Muqdisho ay mar kale ku celiyey in banaan-baxa ay dhigayaan Jimcaha
soo socda, iyagoo sharci darro aysan aqbali doonin ku tilmaamay go’aankii ay
shalay xukuumadda xil-gaarsiintu ku sheegtay in wax banaanbax ah aan Muqdisho
lagu qaban karin.
Dhinaca kale Midoowga
Musharaxiinta oo war culus u diray Beesha Caalamka
Nuxurka Qoraalka Beesha Caalamka ay u direen
Midowga Musharixiinta Mucaaradka ah . 1-in Madaxweyne Farmaajo Xilka ku Wareejiyo Gole
Qaran oo Kumeel gaar ah 2-in Wax ka badal lagu Sameeyo Gudiyada
Doorashooyinka 3-in Midowga Musharixiinta ay qeyb ka noqdaan
dadaalada Xal Xaarinta ah ee socda 4-in ay is-casilaan Taliyaasha Booliiska , Nabad
Sugidda 5-in 60 Maalmood gudahood lagu Soo gabagabeeyo
Geedi socodka Doorashooyinka 6-in uu jiro dammaanad qaad caalami ah oo
korjoogteyanaya Fulinta Heshiisyada la gaaro
0 Comments