Madaxweynihii hore
ee Soomaaliya Xasan Sheikh Maxamuud ayaa Qoraal uu bartiisa Facebook soo dhigay
ku sheegay in Madaxweyne Farmaajo uu dalka geliyay xaalad hubanti la’aan ah oo
mugdi u horseedi karta Mustaqbalka waddanka.
“Waa xaqiiqo aan la
jecleyn in madaxweynaha xilkiisu dhammaaday uu dalka geliyay xaalad hubanti
la’aan ah oo mugdi gelin karta mustaqbalka dalka”
Xasan Sheikh wuxu
sheegay in Soomaaliya ay leedahay Shacab iyo Hal-door samata-bixin kara
xaaladda adag ee dalku galay waxaana uu ku baaqay xasilooni iyo aragti-wadaag.
“Soomaaliya waxay
leedahay shacab & haldoor ka samata bixin kara xaaladaha adag. Waxaan ku
baaqayaa xasillooni & aragtiwadaag” ayuu sii raaciyay.
Qoraalka Ex.
Madaxweyne Xasan Sheikh wuxu ku soo beegay xilli Maanta ay ku egtahay
mudada xil-haynta Madaxweynaha dowladda Federaalka Soomaaliya Maxamed
Cabdullaahi Farmaajo.
Dhinaca kale Maamulka Puntland ayaa markii ugu horeysay ka hadlay fashilka
ku yimid shirkii wadatashiga ee Madaxda Dowladda Federaalka, Dowlad Goboleedyada
iyo Gudoomiyaha Gobolka Banaadir ku yeesheen Magaalada Dhuusamareeb.
Wasiirka Warfaafinta Puntland, Cabdullaahi Cali Xirsi (Timacadde) ayaa sheegay
in Madaxweyne Maxamed Cabdullaahi Farmaajo uu ka masuul yahay burburka ku yimid
shirkaasi.
Wasiirka ayaa tilmaamay in arrinta Gobolka Gedo ay noqotay middii ugu cusleyd
ee shirka, taasoo markii dambena leesku fahmi waayay, ka dib markii sida uu
yiri uu Madaxweynuhu si gaara isugu dhejiyay.
Wasiirka ayaa Madaxda Dowladda Federaalka ku eedeeyay inay dagaal kula jiraan
hannaanka federalism-ka, oo dowladnimada dalka ay ku dhisan tahay.
"Madaxda hadda joogta Villa Somalia ee waqtigu ka dhammaanayo waxay la
dagaalamayaan nidaamka federalism-ka, waxa la ilaalinayana waa federalism-ka.
Waxaa weeye nin walba waxa uu xaqa u leeyahay inuu qaato, xaq aanu lahayn qofna
ma qaadan karo." Ayuu yiri Wasiir Timacadde.
Wasiir Timacadde ayaa intaa ku daray "Madaxweynuhu wuxuu rabaa in Gedo ay
noqoto meel isaga siduu doono u maamulo, halkii uu ka ahaa Madaxweynaha
Dowladda Somaliya. Marka dadka walaalaha ah ee halkaa wada degan ee ka tirsan
Jubbaland si gaara inuusan u fara-gelin Madaxweynuhu, Soomaali oo dhan bay ceeb
ku tahay, Madaxweynahana uma wanaagsana."
Madaxweyne Farmaajo ayaa Sabtidii Maamulada Puntland iyo Jubbaland ku eedeeyay
kuwa caqabadda ku noqday wadahadaladii xalka loogu raadinayay arrimaha
doorashooyinka ee dalka, mar uu hortagay Xildhibaanada Golah
0 Comments