A C-WARAR
Waxaa saakay inta badan xiran wadooyinka muhiimka ah ee kuyaala magaalada
Muqdisho, waxaana wadooyinka qaar gaar ahaan kuwa gala Madaxtooyada Soomaaliya
lasoo dhigay ciidamo aad u tiro badan iyo gaadiid dagaal.
Musharax Madaxweyne Cabdiraxmaan Cabdishakuur Warsame ayaa sheegay in
Farmaajo wadooyinka Muqdisho saakay u amray in loo xiro kulanka golaha shacabka
sidii looga celin lahaa 15-Xildhibaan
Farmaajo maanta wuxuu wadooyinka u xiray in uu 15 Xildhibaan Golaha
Shacabka ka celiyo. Habeenkii iyo maalintii 19 Febraayo wuxuu weeraray ragii la
tartami lahaa. Ragii ay talada kala dhaxaysana naftooda ayey ku aamini waayeen
oo hubkooda ayey la soo degeen, Xalane way degeen. Xigtadiisa iyo saaxibadiina
sidaa ayey halyeynimo u arkaan, waana ku taageersan yihiin. Ninkaas doorasho
lala galo ma taalo ee waa in uu dalka xoog ku haystaa ama la iska kiciyaa” ayuu
yiri Cabdiraxmaan Cabdishakuur.
Gudoonka golaha shacabka ee Baarlamaanka federaalka ayaa dhawaan ilaa
5-kulan ka mamnuucay in ay kasoo qeyb galaan 15-Xildhibaan oo mucaarad ah,
Xildhibaanadan ayaana dhankooda ku goodiyay in ay tagi doonaan xarunta golaha
shacabka.
Qaar kamid ah Xildhibaanada golaha shacabka ee dhawaan Gudoomiye Maxamed
Mursal ka mamnuucay kulamada Baarlamaanka ayaa laga celiyay qaar kamid ah
isgoosyada laga ilaaliyo Madaxtooyada Soomaaliya.
Ciidamada amaanka ee la dhigay baraha laga soo galo xarunta Madaxtooyada
Soomaaliya ayaa loo qeybiyay sawirada iyo magacyada 15-Xildhibaan oo gudoonka
golaha shacabka ka mamnuucay in ay kasoo qeyb galaan 5-kulan.
Xildhibaanadan ayaa laga celiyay isgoosyada ay joogaan ciidamada amaanka,
waxaana Xildhibaanada iyo gaadiidkoodaba ciidamada ku amreen in dib ugu
laabtaan halkii ay ka yimaadeen.
Mahad Salaad oo kamid ah Xildhibaanada laga mamnuucay kulamada Baarlamaanka
ayaa goordhaw sheegay in isaga iyo Xildhibaano kale lagu celinayo Isgooska
Dabka, waxa uuna sheegay in waxii dhib soo gaaro masuuliyadeeda uu qaadayo
Maxamed Mursal.
Isgoyska Dabka ayaa Ciidamo Farmaajo ka amar qaata hada nagu hortaagan
yihiin aniga iyo Xildhibaano kale. Mas’uuliyada wixii na soo gaara Maxamed
Mursal ayaa qaadaya!” ayuu yiri Xildhibaan Mahad Salaad.
Kulanka la filayo in ay yeeshaan Xildhibaanada golaha shacabka ayaan wali
furmin, waxaana kulankan shaki badan laga muujiyay ajandayaasha looga doodayo
iyadoona laga cabsi qabo in Gudoonka iyo Xildhibaanada sameeyaan mudo kororsi.
Muddo kororsi hadii uu saakay dhaco waxeey
noqoneysaa muslim iyo Mareexaan waxaana Muqdisho u haraya cidii xoog leh taas
oo keentay in Odayaasha dhaqanka ee beesha Hawiye xalay ku dhawaaqaan ineey
waajib tahay in Farmaajo lala dagaalamo si dalka looga badbaadiyo in uu gacanta
u galo kaligii taliye
waxaana Muqdisho soo galay ciidamadii ugu
badnaa ee ka soo jeeda beelaha Hawiye kuwaas oo la arkayay maalmahan iyakoo
Muqdisho ku soo qulqulaya kuwaas oo barbar dagaala midoona ciidanka Madasha
Badbaado Qaran oo shaacisay in aysan Gacmaha ka Laaban Doonin Muddo Kororsiga
haraadigii Afwayne ee Farmaajo
0 Comments