A C-WARAR
Xubnaha beesha caalamka ee fadhigoodu yahay gudaha magaalada Muqdisho ee
caasimada Soomaaliya ayaa kulan gaar ah la leh hoggaamiyeyaasha maamul
goboleedyada, kaas oo looga hadlayo arrimo xasaasi ah.
Kulanka oo saacado
badan qaatay ayaa ka socda xeyndaabka Xalane, iyadoo looga hadlayo khilaafka
siyaasadeed ee ka jira dalka iyo arrimaha doorashooyinka.
Ilo ku dhow kulanka
safiirada beesha caalamka iyo shanta hoggaamiye goboleed ayaa sheegay in si
gaar ah diirada loogu saarayo xal u helida muranka hareeyey doorashada.
Sidoo kale labada
dhinac ayaa isla soo qaadaya qabsoomida shirka wada-tashiga ee dowladda dhexe
iyo dowlad goboleedyada ee Afisyoono, si loo sii amba-qaado wada-hadallada
looga arrinsanayo , sidii xal waara looga gaari lahaa khilaafka ka jira dalka
Kulankan waxaa
garwadeen ka ah ergeyga Qaramada Midoobay, James Swan oo ay wahlinayaan
wakiilka Midowga Afrika, danjiraha dalka Mareykanka iyo safiiro kale.
Dhaq-dhaqaaqyadan
cusub ayaa kusoo aadayo, iyada gelinka dambe ee maanta ay kulan gaar ah
leeyihiin madax goboleedyada iyo Ra’iisul wasaare Rooble.
Si kastaba
dadaallada ka socda Muqdisho ayaa ujeedkooda waxa uu yahay sidii xal waara
looga gaari lahaa is mari-waaga ka taagan doorashooyinka dalka ee 2021-ka.
Dhinaca
kale, Xildhibaanadii laga joojiyay ka qeybgalka kulanka Golaha shacabka oo
shir jaraaid qabtay ayaa sharci darro ku tilmaamay go’aanka uu soo saray
guddoomiye Maxamed Mursal Shiikh Cabdiraxmaan.
Xidlhibaannada oo
tiro ahaan dhan 15 mudane ayaa Guddoomiyaha Baarlamaanka ku eedeeyey inuu
dabada ka riixayo inuu barlamaanku galo fowdo iyo khalalaase ay madaxtooyadu
soo amartay.
Sidoo kale,
Xildhibaanadda ayaa sheegay in ciidamada NISA ee Baarlamaanka la geeyay ay dil
ugu hanjabeen xildhibaanada kasoo horjeestay waxay ugu yeereen muddo kordhin
sharci darro ah
xildhibaanadu waxay
si cad u sheegeen in ay berrito tegi doonaan xarunta Baarlamaanka isla markaana
aysan u joojin doonin go’aanka looga mamnuucay fadhiyada soo soccda.
“Shirka berri waan
tagaynaa, warqada dhiiggeena lagu banaystay ee askarta loo dhiibay, wiixii
nagasoo gaara waxaa si shakhsiyan ah masuuliyaddeeda u qaadi doona guddoomiye
Mursal,” ayuu yiri xildhibaan Mahad Salaad.
.jpg)
0 Comments