A C-WARAR
Bilihii la soo dhaafay waxaa la dareemayaa sare-u-kaca qiimaha hubka
noocyadiisa kala gadisan lagu kala iibsado, hubka fudud iyo kuwa culus ee
garbaha laga tuuro ayaa dhamaantood ku yimid sare-u-kac, iyadoo arrintan dhowr
arrimood loo sababeeyay, sida khilaafka siyaasadeed ee ka taagan doorashada iyo
xaaladi ka jirtay Gobolka Gedo, halkaasoo dowladdu hub u daabuleysay.
Dhinacyada ugu badan ee suuqyada cirtoogtaha loo yaqaano hubka ka
iibsanayay hubka ayaa waxaa ka mid ah qaar ka mid ah Musharaxiinta oo aad isu
hubeynayay, waxaana arrintan ay ka dambeysay 19 February
markii magaalada Muqdisho ka dhaceen shaqaaqo iyo isku dhacyo u dhaxeeyay
Musharaxiinta iyo dowladda oo Hotel ay degenaayeen Madaxweynayaashi hore la
weeraray, sidoo kalena bannaan bax ay hoggaaminayeen qaar ka mid ah
Musharaxiinta la rasaaseeyay, inkastoo dowladdu cudur daar ka bixisay
shaqaaqadaas.
Hubka noocyadiisa kala duwan ee la
iibsanayay ayaa isugu jiray qoriga Dhashiikaha, Qoriga PKM, RPG ama Sabanka iyo
Qoriga AK47
Hubka kaliya ma noqon qaali waxa kaloo sare u kacay rasaasta la iibiyo
hubka noocyadiisa kala duwan, iyadoo rasaasta qoriga RPG ama Sabanka loo
yaqaano uu gaaray halkii xabo $260.
Xog uruurin aan maalmihii la soo dhaafay ku sameeyay hubka lakala iibsado
iyo suuqyada loo yaqaano cirtoogte ayaa la ii sheegay in labadi bilood ee la
soo dhaafay hubka aad loo kala iibsanayay, iyadoo qiimihii hore la iibinayay
labo jibaar ku dhow uu qaaliyoobay.
1- Qooriga Dhashiikaha 21 kun oo dollar halka marki hore ahaa 15 kun oo
dollar
2- Qooriga PKM 16 kun oo dollar halka marki hore uu ahaa 12 kun oo dollar
3- Qoriga RPG ama sabanka 3kun oo dollr halka hore kun shan boqol oo dollar
4- AK47 $1,800 halka markii hore $1,100
5- bastoolada $2,200 markii hore $1,500
Madaxweenaha waqtigiisa dhamaadey iyo dawladiisa ayaa ku hawlan in uu
muqdisho kadhoco dagaal kadib markii eey ku aboortey gobolka gedo xaalad
xasilooni daro ah DFS wxa eey doo neeysaa in eey qalaaso galiso dalka iyadoo
kaliya ka fikireeyso kursiga sida eey u siijoogi leheed aan u aaba yeeleenin
shacabka somaliyeed
0 Comments