A C-WARAR
Ra’isul Wasaare Rooble ayaa shaley hogaaminayay shirka doorashooyinka
Qaranka iyadoo dhamaan ay goobjoog ahaayeen madaxda maamul goboleedyada dalka
iyo Gudoomiyaha Gobalka Banaadir.
Madaxweynaha waqtiga ka dhamaaday Maxamed Farmaajo ayaa dhowr jeer ku
fashilmay in natiijo laga gaaro shirarkii doorashooyinka ee Dhuusomareeb iyo
kii kan ka horeeyay ee Afisiyooni.
Farmaajo ayaa caqabad ku ahaay in horumar laga gaaro doorashada dalka
islamarkaana uu danahiisa ka hormariyay danaha qaranka isagoo Laba sano ku
darsaday muddo xileedkiisa taa oo keentay in magaalada ay soo galaan ciidan ka
soo horjeedo oo qax iyo dagaal uu ka bilowday Xamar.
Farmaajo ayaa sidoo kale waxa uu noqday maro ku dheg iyadoo dhamaan
shirarkii fashilmay ee doorashiiyinka ay u socon waayeen dano gaar ah oo isaga
uu leeyahay haba ugu darnaanto arrinta gobalka Gedo.
Beesha Caalamka ayaa dhowr jeer ku celcelisay iney muhiim tahay in shirka
guul laga gaaro waxeyna u muuqataa iney iyada tahay cida Farmaajo u diiday ka
qeyb galka shirka oo ay u arkeen qaswade
Midowga Musharaxiinta ayaa horay u sheegay in wax horumar ah aan laga gaari
doonin shirka doorashooyinka ilaa Farmaajo oo ay ku tilmaameen qaswade uu ka
dhex baxayo.
Ra’isul wasaare Rooble ayaa hadda heysta fursadii ugu fiicneyd iyadoo uu
taageero uu ka helay midowga musharaxiinta, madaxda maamul goboleedyada dalka
iyo waliba Beesha Caalamka, waxaana la filayaa shirka maanta dhamaaday in
heshiis wax ku ool ah ay ka soo baxaan.
Inta badan xubnaha mucaaradka ah ayaa si siman u soo dhaweeyey shirkan
shaley ka furmay magaalada Muqdisho, iyagoo muujiyey inay qabaan rajo wanaagsan
oo hor seedi karta doorasho xasiloon oo dalka ka dhacda.
0 Comments