A C-WARAR
Rooble ayaa magacaabay guddi farsamo oo ka kooban illaa 7 xubnood, kuwaas
oo ka shaqeyn doono arrimaha doorashooyinka ee dhowaan ka dhacaya dalka
Guddiga cusub ayaa waxa uu ka shaqeyn doona isku xirka dhammaan howlaha
doorashooyinka ee hay’adaha ku shaqada leh, gaar ahaan Beesha Caalamka, Golaha
Wadatashiga Qaran iyo Guddiyada kale ee doorashooyinka heer Federaal iyo Heer
Dowlad Goboleed
Todobo xubnood ee la magacaabay sidoo kale labo ka mid ah waa gabdho halka
shanta kale ay yihiin rag, kuwaas oo kala ah
1-Abdkadir Elmi Ali.
2-Avv Omar Mohamed Abdulle.
3-Fatumo Abdi Ali.
4-Mohamoud Mohamed Roble.
5-Laila Abdikarin Mohamed.
6-Liban Rabile Good.
7-Abdulahi Hashi Hussein
Dhinacakale Midowga
Musharaxiinta ayaa soo dhoweeyay shaqada hordhaca ah oo ay qabteen Guddiga
xaqiiqo raadinta ah ee uu magacaabay Ra’iisul Wasaaraha ee loo xil saaray kala
shaandheynta xubnaha dacwada
laga keenay ee guddiyada doorashada heer Federaal iyo heer Dowlad Goboleed si
looga saaro xubnaha shaqaalaha rayidka, saraakiisha ciidanka iyo xubnaha kale
ee Khilaafka uu ka taagnaa
Midowga Musharaxiinta ay soo jeediyeen si shaqada guddiga xaqiiq raadinta
ay u noqoto mid keenta xal mira dhal oo dhaqan gala, wuxuu Golaha dalbaday in
guddiga si daah furan oo madax bannaan u soo bandhigo habraaca iyo hannaanka
loo maray kala shaandheynta xubnaha guddiyada doorashada
Sidoo kale Midowga Musharaxiinta ayaa dalbaday in magacaabista xubnaha cusub
ee guddiyada doorashada ay noqdaan kuwo loo maray habraac iyo hannaan daah
furan oo ku saleysan habraacyadii iyo heshiisyada doorashooyinka, si looga
hortago in mar kale ay guddiyada doorashada ka mid noqdaan xubno ka tirsan
shaqaalaha rayidka ee dowladda, ciidamada iyo xubno taageerayaal u ah
shaqsiyaad gaar ah.
Hogaamiyaha Xisbiga Wadajir Cabdiraxmaan Cabdishakuur Warsame ayaa noqday
qofka kaliya ee ka soo hor jeestay kala shaandeyntii ay sameysay xukuumadda
Soomaaliya kuwaa oo 34 xubnood ay kaga saartay guddiyadii doorashooyinka
Xildhibaano katirsan Midowga Musharaxiinta iyo musharaxiin dhowr ah ayaa
islamarkaasna soo dhaweeyay tallabada ay qaadeen guddiga farsamada
doorashooyinka
Soomaaliya ayaa haatan galeysa doorasho isugu jirto tan baarlamaanka iyo
mida madaxweynaha, taas oo laga gaaray heshiis, kadib kulamo siyaasadeed oo uu
garwadeen ka ahaa Maxamed Xuseen Rooble oo ka dhacay magaalada Muqdisho ee
caasimada dalka.
0 Comments