LONDON:-Tijaabada tallaalka
cusub ee duumada ayaa natiijadiisa horudhaca ah ay 77% muujineysaa waxtar uu
carruurta u leeyahay, taas oo khuburada caafimaadku ay rajeynayaan inay tahay
horumar laga gaarayo soo saaristiisa.
Jaamacadda Oxford ee Ingiriiska ayaa sheegtay in tijaabo socotay muddo
sanad ah ay ka qeybgaleen 450 carruur ah oo ku nool dalka Burkino Faso ee
Qaaradda Afrika, isla markaana aan laga soo sheegin waxyeello caafimaad oo tallaalkani
ku yeeshay carruurtaas
Jaamacadda Oxford ee Ingiriiska ayaa sheegtay in tijaabo socotay muddo
sanad ah ay ka qeybgaleen 450 carruur ah oo ku nool dalka Burkino Faso ee Qaaradda
Afrika, isla markaana aan laga soo sheegin waxyeello caafimaad oo tallaalkani
ku yeeshay carruurtaas.
Waa markii ugu horreysay ee tallaal cudurka duumada uu ka gudbo shuruudaha
Hay’adda Caafimaadka Adduunka ee WHO, taasoo khasab ka dhigaysa inuu 75%
tallaalku waxtar leeyahay, si soo saaristiisa loo ansixiyo.
Cilmi-baareyaasha ayaa sheegay in ay xilligan qorsheynayaan billowga
tijaabada heerka 3-aad ee tallaalkan, taas oo ay ka qeybgali doonaan 4,800 oo
carruur da’doodu u dhexeyso 5 bilood ilaa iyo 3 sano, kuwaas oo ku kala nool
afar dal oo kala ah Burkina Faso, Kenya, Mali iyo Tanzania, waxaana tijaabadan
hirgalinaya Machadka Serum ee dalka India iyo shirkadda tiknoolajiyadda
Mareykanka ee Novavax.
Agaasimaha machadka Jenner ee Jaamadda Oxford Adrian Hill ayaa sheegay in
140 iskuday oo hore oo u tartamay soo saarita tallalkan aanu midkoodna ka
gudbin shuruudda 75% ee waxtarka tallaalka Malaariyada.
Duumada oo ah cudur halis, waxaa laga qaadaa qaniinyada kaneecada, waxayna
sanad kasta ku dhacdaa malaayiin dad ah, iyadoo disha in ka badan 400,000
sanadkiiba oo badankood yihiin carruur yar yar oo ku nool Afrika.
Haddii wareega xiga ee tijaabada tallaalkan oo loo yaqaan R12/Matrix-M lagu
guuleysto wuxuu isticmaalkiisa diyaar ku noqon doonaa laba sano gudahood.
0 Comments