Raysal wasaaraha Soomaaliya, Maxamed Xuseen
Rooble ayaa sheegay in ay doorashada u qorsheeyeen in ay ku bixi doonto 26
malyan oo dollar, isagoo sheegay in dhaqaalahaas ay ka cabsi qabaan inuu ku
yaraado.
Raysal wasaaraha oo kulan la qaatay guddiyada doorashada wuxuu dhinaca kale
uga digay in dhaqaale aan xafiiskiisu ogayn oo aan isla qorshayn ay guddiyada
doorashadu u raadsadaan hay’addaha deeq bixiyaasha.
Rooble ayaa sheegay inuu hubinayo liiska Musharaxiinta ay soo saarayaan ku
xigeenkiisa mahdi guuleed iyo cabdi xaashi, talaabadaas ayaana u muuqata in
farmajo hubintaa ku shaandhayn doono dhamaan musharaxiinta xildhibaanada
mucaaradka ku ah siyaasadiisa.
Sidoo kale waxa nasiib darro iyo dulmi ba ah inaan waxba laga badalin
qoondada Haweenka Somaaliyeed oo hore loogu heshiiyay iney noqoto 30%, iyo
sidoo kale inaan laga hirgelin maamulada taageersan siyaasada liidata ee
Farmaajo.
Raysal wasaare Rooble wuxuu sheegay inuu tallaabo ka qaadayo ciddii lagu
helo in ay hareer marayso nidaamka doorashada loo dajiyay, wuxuuna u sheegay
guddiyada doorashada in wixii dhaqaalaha la xiriira looga dambaynayo guddiga
doorashada ee heer federal iyo xafiiskiisa.
Dhinaca kale, raysal wasaare Rooble ayaa guddiyada uga digay wada shaqayn
xumo, isagoo ku booriyay in la iska hilmaamo wixii khilaaf ah oo horay uga dhex
dhacay qaar kamid ah guddiyada doorashooyinka.
Habraaca doorashada iyo isbadaladii u danbeeyay ee aan sharciga
waafaqsanayn, ayaa dan u ah Farmaajo iyo kooxdiisa, waxaanay u dhibyaraynaysaa
farmajo inuu marlabaad somaliya Hogaamiyo.
Waxaan ka digaynaa in doorashada lagu dhammaystiro habraacyadii guracanaa
iyo isbeddelladii u danbeeyay, maadaama ay xadgudub ku yihiin heshiiskii
Muqdisho.
Dowladda Soomaaliya ayaa la filayaa in ay dhaqaalaha doorashada ka hesho
dalalka deeq bixiyaasha ah, waxaana sidoo kale dhaqaalaha doorashadu ka imaan
doonaa qidmadaha laga qaado musharraxiinta.
0 Comments