Kooxda Liverpool ayaa guuldaro kala kulantay kooxda Leicester City kulan ka
dhacay King Power kana tirsanaa horyaalka premier League.
Guuldarada ayaa ahayd midii 2-aad ee ay la kulantay Liverpool xilli
ciyaareedkan iyada oo Leicester City 1/0 uga talaabsatay kooxda Klopp.
Hadaba waxa aan halkan ku soo bandhigi doonaa xaqiiqooyinkii laga diwaan
galiyay kulanka.
1.Mohamed Salah ayaa khasaariyay rikoodhe markii 2-aad ee xirfadiisa
premier League iyo markii ugu horaysay tan ilaa October 2017 markaas oo uu ku
khasaariyay kulan uu ka hor tagay Huddersfield, waxa uu dhaliyay mid kasta oo
ka mid ah 15-kii rikoodhe ee ugu dambeeyay ka hor kulankii xalay.
2.Liverpool ayaa laga dhaliyay goolka furitaan 3-dii kulan ee ugu horeeyay
premier League waana markii ugu horaysay ee ay arintaas dhacday Tan ilaa
November 2019.
3.Liverpool ayaa sanadka 2021 ku dhamaystay sidii ay ku bilaabatay iyada oo
aan wax gool ah dhalin kulan marti ah, Reds ayaa gool dhalisay mid kasta oo ka
mid ah 28 kulan ee ugu dambeeyay tartamada oo dhan iyaga oo dhaiyay 75 gool.
4.Liverpool ayaa ku fashilantay in ay gool dhaliso premier League markii
ugu horaysya 29 kulan oo horyaalka ah tan ilaa guuldaradii 1/0 ahayd ee ay kala
kulantay Fulham bishii March.
5.Liverpool ayaa laga badiyay kulan premier League ah bisha December markii
ugu horyasay tan ilaa 4 bishii December 2016 markaas oo ay guuldaro kala
kulantay Bournemouth waxana laga joojiyay rikoodh 35 kulan ah.
0 Comments