Waa maxay caafimaadka maskaxda? iyo sida lagu daaweeyo

 

A C-WARAR

Caafimaadka maskaxda waxaa ka mid ah wanaagsanaanta shucuurteena, nafsi ahaan iyo bulsho ahaanba Waxay saameysaa sida aan u fikirno, dareemno iyo u dhaqanno. Waxay kaloo kaa caawineysaa go'aaminta sida aan u maareynno walbahaarka, ula xiriirno kuwa kale iyo xulashooyinka. Caafimaadka maskaxda waa mid muhiim u ah marxalad kasta oo nolosha ah, laga soo bilaabo carruurnimada iyo qaan-gaarnimada illaa iyo qaan-gaarnimada.

Inta aad nooshahay, haddii aad la kulanto dhibaatooyin caafimaad maskaxeed, fikirkaaga, niyaddaada iyo dhaqankaaga ayaa saameyn ku yeelan kara. Waxyaabo badan ayaa ka qayb qaata dhibaatooyinka caafimaadka maskaxda oo ay ka mid yihiin:

Isirrada nafleyda, sida hiddo-wadaha ama kiimikada maskaxda

Waaya-aragnimada nolosha, sida dhaawac ama xadgudub

Taariikhda qoyska dhibaatooyinka caafimaadka maskaxda

Dhibaatooyinka caafimaadka dhimirku waa caadi laakiin caawimaad ayaa la heli karaa. 

Sidee lagu daaweeyaa cudurada maskaxda?

Waxaa jira habab kala duwan oo lagu maareeyo dhibaatooyinka caafimaadka maskaxda, daaweyntana waxay ku xirantahay qofka, daawo qof u shaqeesay ayaa laga yaabaa inaysan u shaqeeynin qof kale..

Qofka wuxuu u baahan yahay inuu si dhow ula shaqeeyo dhakhtarka, si dhakhtarka uu u ogaado qofka baahidiisa uuna u siiyo daaweyn ku habboon.

Hababka daaweynta xaaladaha caafimaadka maskaxda waxaa ka mid ah: 

Daaweyn nafsaani ah

Daaweynta nafsaaniga ah waxaa loola jeedaa in hab cilmi nafsi ah lagu daaweeyo cudurada dhimirka, daaweynta nuucaan ah waxaa ka mid ah in qofka lala hadlo, lala sheekeesto lagana dhaadhiciyo wax badan si dabeecada garashadiisa ay isku badasho. 

Dhakhaatiirta dhimirka, kuwa cilimi nafsiga bartay iyo qaar ka mid ah dhakhaatiirta daryeelka aasaasiga ah ayaa sameeya daaweynta noocaan ah.

Habkaan wuxu dadka ka caawin karaa inay fahmaan asalka jiradooda maskaxeed oo ay bilaabaan inay isku dayaan inay isku sameeyaan isbadal taageera nolol maalmeedkooda isla markaana yareeya halista calaamadahooda.

Daawo caadi ah

Dadka qaar ayaa qaata dawooyinka caadiga ah ee la qoro, sida dawooyinka dhimirka, kuwa niyad jabka iyo kuwa looga hortago walwalka.

In kasta oo ay daawooyinkaan aysan ciribtiri karin ciladaha maskaxda, hadana waxay yaree  karaan astaamaha waxayna qofka ka caawin karaan inuu dib u bilaabo isdhexgalka bulshada iyo nolol maalmeed kiisa caadiga ah.

Is caawinta qofka

Qofka la tacaalaya dhibaatooyinka caafimaadka maskaxda wuxuu badanaa u baahan yahay inuu isbadal ku sameeyo hab-nololeedkiisa si ay u fududaato raysashadiisa.

Isbadalada nuucan oo kale ah waxaa ka mid ah iska joojinta isticmaalka waxyaabaha maanka dooriya, in qofka uu badiyo hurdada, iyo cunidda cunto dheellitiran oo nafaqo leh.