Shir xasaasi ah ayaa xaly xarunta madaxtooyada, gaar ahaan Villa Uganda uga
socda madaxweyne Farmaajo, Fahad Yaasiin, Mahdi Guuleed, Lafta Gareen iyo Mahad
Cawad, sida ay ilo-wareedyo inoo xaqiijiyeen
Shirkan ayaa sida la sheegay looga hadlayaa ajendaha shir la qorsheeyey
inuu 25-ka March ka dhaco magaalada Baydhaba, kaasi oo lagu dhigayo shirqool
siyaasadeed oo ka dhan ah beesha Hawiye.
Shirka Baydhaba ayaa markii hore u dhaxeeyey beelaha Dir, Digil iyo
Mirifle, balse waxaa caawa laga shirayaa in shirka laga soo qeyb geliyo Beesha
Shanaad oo uu hoggaaminayo Fahad Yaasiin, si loo ballaariyo isbaheysiga la rabo
in looga dhawaaqo Baydhaba ee Dir, Digil iyo Mirifle.
Farmaajo ayaa wadah qiyaamo ka dhan ah beesha Hawiye si uu u magacaabo qof
isaga daacad u ah oo u ogolaada in mar kale la doorto
Farmaajo oo rajadiisa dib u doorasho ay tahay 0, ayaa isku dayaya inuu
meesha ka saaro musharaxiinta madaxweyne ee Hawiye, taasi oo uu aamisan yahay
in hadduu ku guuleysto uu xilka si fudud dib ugu qabsan karo.
Farmaajo waxa uu ka shaqeeyaa in qof ama qabiil uu ka hor istaago in mar
kale la doorto sifo sharci darro ah, ha noqoto laaluush, hagardaamo, hanjabaad
iyo xitaa dil.
Sidookale La-taliyaha amniga qaranka Soomaaliya,Fahad Yaasiin ayaa qaaday
tallaabo uu uga hortagay loolan xoogan oo la gelin lahaa isku dayga uu ku
doonayo inuu ku noqdo guddoomiye ku-xigeenka koowaad ee golaha shacabka, sida
ay ogaatay Caasimada Online.
Fahad ayaa meesha ku saaray qorshe uu xildhibaan ku noqon lahaa taliyihii
hore ee hay’adda NISA Jeneraal Bashiir Goobe, taasi oo sare u qaaday rajadiisa
guddoon.
Sida ay ogaatay Caasimada Online, kursiga HOP018 oo
uu u sharaxnaa Bashiir Goobe ayaa loo asteeyay dumar, waxaana kusoo bixi doona
qof uu isaga keensaday, taasi oo meesha ka saartay qorshihii xildhibaannimo ee
Bashiir Goobe.
Sida ay ogaatay Caasimada Online, in kursigan loo asteeyo dumar ayaa waxaa
kaalin xooggan ku lahaa oo dadaal badan ku bixiyey Fahad, si aanu Bashiir usoo
gelin golaha shacabka.
0 Comments