Kooxda Arsenal ayaa si rasmi ah u shaacisay in ay heshiis wakhti dheer ah ka
saxiixatay weeraryahanka reer Brazil ee Gabriel Jesus kaas oo uu kaga soo
biiray kooxda Manchester City.
Website-ka rasmiga ah ee Gunners-ka ayaa lagu sheegay in Jesus, oo 25 jir ah,
uu si buuxda u dhameystiray ku biiristiisa Arsenal, uuna isku diyaarinayo
xilliga isku diyaarinta kooxda.
Brazilian-ka ayaa ka qeyb galay 236 kulan oo uu la qaatay Manchester City 5
xilli ciyaareed, wuxuuna dhaliyay 95 gool.
Jesus ayaa kooxda Arsenal u xiran doona lambarka 9-aad.
Dhankeeda, wargeyska Independent ee
ka soo baxa Ingiriiska , ayaa sheegay in qandaraaska Jesus ee Arsenal uu yahay
5 sano, ka soo wareegistiisa Manchester City ayaa lagu dhameeyay 45 milyan
ginni.
Manchester City ayaa la soo saxiixatay labada weeraryahan ee Erling Haaland iyo
Julian Alvarez, taasoo albaabka u furtay bixitaankii Jesus xagaagan.
.jpg)
0 Comments