Milan ayaa soo cusbooneysiisay xiisaha ay u qabto xiddiga Real Madrid

 

Warbixin ka soo baxday saxaafada Spain ayaa lagu sheegay in AC Milan ay soo cusboonaysiisay xiisihii ay u qabtay mid ka mid ah xiddigaha Real Madrid, si ay ugu soo darto inta lagu guda jiro suuqa kala iibsiga xagaagan.

Xiddiga Real Madrid Dani Ceballos ayaa dhowr bilood ka hor radar ka saarnaa Milan, laakiin wada xaajoodyadu ma horumarin oo waxay joogsadeen muddo.

Sida laga soo xigtay wargeyska Isbaanishka, Mundo Deportivo , Milan ayaa dib u soo ceshatay xiisaha ay u qabto 25 jirkaan khadka dhexe.

Mustaqbalka Ceballos ayaan weli la ogeyn, maadaama uu dhawaan sheegay inuu la kulmi doono tababaraha Real Madrid Carlo Ancelotti, ka hor xilli ciyaareedka cusub, uuna qaadan doono go’aankiisa ugu dambeeya.

Way adag tahay in Ceballos uu si joogto ah ugala qayb qaato Real Madrid xilli ciyaareedka cusub, gaar ahaan ka dib markii uu Aurelien Chuamini kala soo wareegay Monaco xagaagan.

Dani Ceballos ma aqbali doono inuu kursiga keydka ku fadhiyo muddo dheer, si uu xulka Spain uga qeyb galo koobka adduunka ee sanadkan.

Real Madrid ayaa ku qiyaastay qiimaha Ceballos ay ku iibinayso 15 ilaa 20 milyan oo Yuuroo, lacagtaas oo aysan jirin koox xiisaynaysa inuu ku biiro, waxaana Milan ku xigta Real Betis oo ah kooxda ciyaaryahankii hore ee isku dayaysa inay dib u soo celiso. isaga mar kale.