Warar kala duwan ayaa kasoo baxaya Taliyihii
hore ee NISA Fahad Yaasiin oo hadda ah lataliyaha amniga ee Farmaajo kaa oo
xildhibaanimo u doonananaya Baladweyne. ayaa shalay ciidan iyo
ergo ka dagsaday magaalada Baladweyne kuwaa oo lagu xareeyay xerada ciidamada
AMISOM ee magaaladaas iyadoo ay xusid mudan tahay in doorashadiisa la filayo
iney dhacdo maalinta Berri ah.
Fahad Yaasiin ayaa ah khatarta ugu weyn ee caqabada ku ah madax banaanida
iyo kalsoonida lagu qabi karo hanaanka doorashada, waxa uuna dil iyo caga
jugleyn ku wadaa dhamaan dadka kasoo horjeeda ee ku sugan magaalada Beledweyne
si uu kursiga ugu soo fadhiisto, xilli ay diidan yihiin beelaha iyo
odayaasha magaalada in ay xado kuraastooda. wuxuuna soo abaabulay dilkii
taliyaha booliiska Beledweyne kadib markii uu diiday tallaabooyin uu Yaasiin ku
soo rogay ciidamadiisa ku sugan magaalada.
Kursiga sumadiisu tahay Hop#086 waa kan ugu adag kuraasta taala magaalada
Beladweyne ee xarunta gobalka Hiiraan waxaana 5-tii sano ee la soo dhaafay ku
fadhiyay Xildhibaan Faarax Sheekh C/qaadir, iyadoo hadda uu damaca kaga jiro
Fahad Yaasiin agaasimihii hore ee NISA.
Waxaa jiro doodo culus oo ka taagan doorashada kursigaas, guddiga FEIT ayaa
xalay hakiyay balse waxaa ku gacan seeray kan SEIT ee HirShabeelle, Waxaa
muuqato in uu jiro qalqal amni iyo khilaaf hor leh oo ka dhashay doorashada
kursigaas, iyadoo saameentiisa laga dareeemayo gudaha iyo dibadba.
Ra’iisul wasaare Rooble ayaa dedaal badan ku bixinaya inuu hor istaago
damaca xildhibaanimo uu doonayo Fahad Yaasiin iyadoo Villa Soomaaliya ay ku adkeysaneyso
qabashada doorashadaasi iyo In Fahad lasoo asaro.
0 Comments