Ilo lagu kalsoon yahay ayaa sheegaya in Madaxweyne Farmaajo uu
qorsheynayo inuu xilka Agaasimaha Hay’adda Sirdoonka Somalia u magacaabo
C/raxmaan Dheere oo ka tirsan Baarlamaanka 10-aad..
Xogta aan heleyno ayaa sheegeysa in Farmaajo uu doonayo in xilka Agaasimaha
Hay’adda NESA uu u magacaabo Cabdul Raxmaan Dheiri oo muddo dheer agaasime
la’aan ahaa kadib khilaafkii Farmaajo iyo Rooble..
C/raxmaan Dheiri oo ay aad isugu dhow yihiin Fahad Yaasiin ayaa ka mid ahaa
xubnaha Aqalka Hoose ee Baarlamaanka Federaalka Soomaaliya, balse hadda waxaa
loo diidayaa inuu mar kale u tartamo xilka Jubbaland, taasoo keentay inuu
jahwareer galo..
Hay’adda waxaa hadda si KMG ah u sii haya Yaasiin Fary, balse Farmaajo iyo
Rooble ayaa isku afgartay in loo magacaabo agaasime ay labaduba isku raacsan
yihiin, maadaamauu hadda Farey yahay Xildhibaan..
Abdul Rahman Dheiri waa mid kamid ah cududa Fahad Yaasiin iyo Farmaajo sida
Yaasiin Fary iyo Bashiir Goobi oo u adeegsada falalkooda wasakhda ah ee aan
sharciga waafaqsanayn sida dilkii Ikraan Tahliil..
Waxaa jirta diidmo dadweyne iyo mid siyaasadeed oo ay wadaan Farmaajo iyo
Fahad Yaasiin, Ra’iisul Wasaare Roobleyna waa in uu diidaa magacaabistaas oo ku
saleysan heshiiskii hore ee isaga iyo Farmaajo ee ahaa ka qeyb galka doorashada
agaasimaha cusub ee sirdoonka Soomaaliya..
Iyadoo Fahad Yaasiin uu isku dayayo in Daheri laga siiyo xasaanad dhanka
sharciga ah oo uu u magacaabo xilkan markii looga adkaaday doorashada, si ka
duwan dambiilayaasha kale ee Yaasiin Farey iyo Bashiir Goobi..
Isagoo xusay in magacaabista Cabdul Raxmaan Dheiri loo magacaabay
agaasimaha hay’adda NESA ay dammaanad ka qaadayso in Farmaajo iyo Fahad Yaasiin
ay sii maamulaan hay’adda kadib markii uu is casilay Yaasiin Fary oo ku biiray
Golaha Shacabka..
Magacaabida Dheiri ee agaasimaha NISA ayaa sahlaysa in ay sii socdaan
howlaha sharci darrada ah ee ay wadaan Farmaajo iyo Fahad Yaasiin, waxa ayna
taasi sababi doontaa in dalka uu sii balaadhiyo falal dambiyeedka abaabulan..
0 Comments