Soomaaliya ayaa waxaa ka taagan macaluul ka dib abaartii ugu darneyd ee soo marta muddo tobanaan sano ah, waxaana dalka uu qarka u saaran yahay in uu burburo, maadaama lagu guul dareystay in doorashada la dhameeyo.
Soomaaliya waxa ay qarka u saaran tahay in ay burburto sababtoo ah deeq
bixiyayaasha caalamka ayaa joojiya taageeradii ay siin jireen siyaasada
Farmaajo.
Iyadoo Hay’adda Lacagta Adduunka ee IMF ay ku hanjabtay inay ka laaban
doonto go’aanka deymaha looga cafinayo Soomaaliya, maadaama lagu guul
darreystay dhameystirka doorashada..
Horaantii, Hay’adda Lacagta Adduunka ee IMF ayaa ugu baaqday Soomaaliya
inay ilaaliso jadwalka doorashada, iyadoo la xusuusto in kaalmada maaliyadeed
ay si toos ah u dhacayso toddobaadyo gudahood..
Soomaaliya ayaa 25-kii bishan ku dhawaaqday in dib loo dhigay illaa 15-ka
bishan March oo ku beegan xilliga la soo gaba-gabeynayo doorashada Golaha
Shacabka, taasoo ka dhigan dib u dhac cusub oo ku yimid hannaankan doorashada
oo dhowr jeer oo hore dib loo dhigay..
Sanduuqa Lacagta Adduunka ee IMF ayaa soo gebagebeyn doona qiimeynta uu ku
sameynayo barnaamijyadiisa Soomaaliya bartamaha bisha May, waxaana qeybo badan
oo ka mid ah ay yihiin dib u habeyn mustaqbalka ah oo ay tahay in ay ansixiso
dowladda cusub..
Warbixinteeda ka dib dhammaadka wejiga koowaad ee qiimeynteeda barnaamijyada
gargaarka, Mu'asasada ayaa ka digtay in "hubaal la'aanta siyaasadeed iyo
dib u dhacyada doorashada ay horseedi karaan inuu si toos ah u dhaco
barnaamijka ay taageerto IMF, taas oo khatar gelin doonta bixinta deeqaha
taageerada miisaaniyada iyo waxay carqaladeysaa jadwalka wadarta cafinta deynta“.
Isagoo xusay in Soomaaliya ay u baahan tahay dhaqaale badan oo lagula dagaalamo
abaaraha ugu daran ee dalka ka jira, iyadoo Qarammada Midoobay ay xaqiijisay
inaysan Soomaaliya ku taageeri doonin qoraalkan..
Nasiib darro, muddo kororsi aan dastuuri ahayn oo Farmaajo sameeyay ayaa
keentay in Soomaaliya ay ansixin weydo Miisaaniyadda sanadkan, maadaama aan
weli la dooran Golaha Shacabka..
Ra’iisul Wasaaraha ayaa dadaal ugu jira sidii uu dhaqaale ugu bixin lahaa
wadahadalada uu la yeelanayo hay’adaha kala duwan ee gobolka iyo kuwa caalamiga
ah.
Kadib markii Golaha Wasiirada Soomaaliya ayaa maanta kulan ay yeesheen
waxay ku ansixiyeen Miisaaniyadda KMG ah oo ay soo diyaarisay Wasaaradda
Maaliyada, taasi oo u gudbiyay Wasiirka wasaaradaas, Cabdiraxmaan Ducaale
Bayle.
Shirka Golaha Wasiirrada oo uu guddoomiyay Ra’iisul Wasaare Maxamed Xuseen
Rooble ayaa lagu ansixiyey Miisaaniyad KMG ah oo dhan $206,474,223, taasi oo
loo qoondeeyey howl fulinta dowladda ee bilaha April ilaa June ee sanadkan.
Ugu dambeyn, Ansixinta Xukuumadda Roobleey si KMG ah loogu sameeyo muddo 3
bilood ah ayaa ah mid uu ku doonayo in dalka looga saaro dhibaatada uu Farmaajo
ku keenay Siyaasadiisa kali-taliska ah..
0 Comments