Waxaa todobaadyadii la soo dhaafay qabsaday Baraha Bulshada hees ay ku
luuqayso fannaanadda Nimco Happy, heestaas oo magaceedu yahay "Isii Nafta”
. taas oo dhalisay hadal hayn badan gaar ahaan barta TIKTOK kadib markii ay soo
jiidatay dad badan oo ajaabib oo isticmaala bartaas.
Heestan ayaa waxa ay xitaa soo jiidatay dareenka warbaahinta adduunka
qaarkeed kadib markii ay muuqaalada maaweelada u adeegsadeen dad Baraha
Bulshada caan ka ah.
Muuqaalada ugu badan ee lagu baahiyay baraha bulshada ayaa waxa ka
falcelinayay dad badan oo aan ahayn Soomaalida una badan ajaanib caan ah.
Fanaanada Nimco Happy ayaa taageerayaasheeda ugu mahadcelisay muuqaal ay
baraheeda bulshada ku baahisay, waana muuqaalkii ugu horreeyay ee ay soo dhigto
tan markii ay heesteeda noqotay mida loogu hadal haynta badanyahay.
Fanaanada ayaa sidoo kale la sheegay inay qandaraas la gashay shirkad
qaabilsan suuq gaynta heesaha ee lagu magacaabo Universal Music iyada oo haatan
heesteeda laga dhageysan karo alaadaha Spotify, Itunes iyo Apple Music.
Heestaan oo erayadeeda ay ku jiraan luuqada kala duwan ayaa xiiso gaar ah u
yeelatay dhagaystayaasha caalamka oo aad soo jiidatay.
Heestaan ayaa la sheegay in aad looga dhagaysanayay maqaayadaha lagu
caweeyo ee magaalooyinka London iyo New York maalmihii la soo dhaafay
0 Comments